Mae’r ardal hon yn cael ei hadnabod fel cymuned (neu blwyf) Llanllwchaearn. Mae’n cynnwys nifer o bentrefi, gan gynnwys Cross Inn, Maen-y-groes a Phentre’r Bryn. Mae ardal hen blwyf Llanina a phentref Gilfachreda, sydd ar y ffordd rhwng Ceinewydd a Llanarth, hefyd o fewn ffiniau’r gymuned. Rhwng y ddwy ardal honno ceir ardal wledig o heolydd culion o’r enw Cydblwyf sy’n dwyn y ddau blwyf ynghyd.